Dell қайта ишланадиган компонентларга эга эко ноутбук прототипи — Concept Luna’ни тақдим этди. Бу ҳақда компания сайтида хабар берилган.
Қурилманинг асосий хусусияти плата бўлиб, унинг майдони тахминан 75 фоизга кичикроқ ва 20 фоиз камроқ компонентларга эга, бу эса уни экран ёнида ўрнатиш имконини берган. Платанинг бошқа жойга кўчирилиши унинг пассив совишини яхшилашга ва ноутбук корпусидаги вентилятордан воз кечишга имкон берган.
Эко ноутбук икки баравар узоқроқ ишлаш имконини берувчи аккумулятор билан жиҳозланган ва уни бошқа қурилмаларда қайта фойдаланиш мумкин. Concept Luna клавиатуранинг эскирган қисмларини тезда алмаштириш имконини беради ва ноутбукнинг ички қисмларига кириш учун фақат тўртта винтни ечиш етарли бўлади. Бу эса таъмирлашни осонлаштиради.
Dell маълумотларига кўра, янги гаджет жуда оддий ва тез таъмирланади ва янгиланади. Ички компонентлар бошқа қурилмаларда ишлатилиши мумкин. Янги ноутбукни оммавий ишлаб чиқариш истиқболлари ҳақида хабар берилмаган.
Аввалроқ Samsung янги Galaxy Tab A8 планшетини тақдим этгани хабар қилинганди.
