Гейдельберг университети ва Карлсруэ технология институтининг бир гуруҳ германиялик олимлари ва муҳандислари нанопринтерга мўлжалланган ихчам 3D-принтерни тақдим этди. Бу ҳақда РБК ёзмоқда.
Мутахассисларнинг сўзларига кўра, шунга ўхшаш қурилмалар илгари жуда кўп жой эгаллаган. Энди эса принтернинг дизайни шунчалик ихчамки, уни оддий столга қўйиш мумкин. Аниқроғи, германиялик олимлари томонидан тақдим қилинган 3D-принтер пойабзал қутиси билан тенг.
Ишлаб чиқувчиларга кўра, принтер ўлчамининг ихчамлашиши инновацион қурилманинг бош қисмидаги ўзгаришлар билан боғлиқ. Бундан ташқари, принтер учун махсус фотосенситив суюқлик яратилган.
«Сўнгги бир неча йил давомида бу борадаги ишлар олиб борилмоқда. Бундай принтерлар замонавий нанотехнологияларни оддий одамга анча яқинлаштиради», дейилади хабарда.
Аввалроқ Google 2022 йилда Android ўйинларини Windows тизимига ўтказиши хабар қилинганди.
