Oʻzbekiston Prezidenti tomonidan 26 noyabr kuni “ʻMuzeylar toʻgʻrisidaʻgi Oʻzbekiston Respublikasi Qonuniga qoʻshimchalar kiritish haqida”gi qonun imzolandi. Bu haqda Adliya vazirligining Huquqiy axborot kanali xabar berdi.
Kiritilgan qoʻshimchaga koʻra, muzeylar taʼsis hujjatlariga muvofiq daromad keltiradigan faoliyat bilan shugʻullanishi mumkin. Bunda muzey ashyolari va kolleksiyalari but saqlanishi kerak boʻladi.
Qayd etilishicha, davlat muzeylariga pulli xizmatlardan, xayriyalardan tushadigan mablagʻlar 2022 yil uchun byudjetdan moliyalashtirish miqdorini kamaytirishga asos boʻlmaydi. Shuningdek, qonun rasmiy eʼlon qilingan kundan eʼtiboran kuchga kiradi.
Avvalroq Oʻzbekistonda davlat byudjeti daromadlari 170 trillion soʻmdan ortishi kutilayotgani xabar qilingandi. Shuningdek, Oʻzbekistonda yirik soliq toʻlovchilarning byudjet tushumlaridagi ulushi prognoz qilingani haqida xabar berildi.
