Ўзбекистонда тотализатор ва букмекерлик фаолиятини реклама қилаётган ўндан ортиқ сайтга кириш чекланди. Бу ҳақда АОКАда ўтказилган брифингда Истеъмолчилар ҳуқуқларини ҳимоя қилиш агентлиги матбуот котиби Моҳрухсор Тоғаева маълум қилди.
Қайд этилишича, Агентлик томонидан 2021 йилнинг ўтган даври мобайнида 19 мингдан зиёд ўрганишлар ўтказилган бўлиб, шундан 10 минг ҳолатда турли камчиликлар аниқланган ва уларни тезкор бартараф этиш чоралари кўрилган. Хусусан, ўтказилган ўрганишлар натижасига кўра, 168 та ҳолатда тотализатор ва букмекерлик фаолияти реклама қилинганлиги аниқланган ва уларнинг барчаси бартараф этилган.
Таъкидланишича, истеъмолчилар ҳуқуқларини ҳимоя қилиш агентлиги ва АОКА ҳамкорлигида амалга оширилган чоралар туфайли ўндан ортиқ тотализатор ва букмекерлик рекламасини ноқонуний равишда юритувчи сайтларга кириш чеклаб қўйилган.
Аввалроқ Марказий банк пластик карталар билан боғлиқ фирибгарликлардан огоҳлантиргани хабар қилинганди.
