UzAuto Ўзбекистон истеъмолчилари учун энг яхши маҳсулотни яратиш ва уларнинг эҳтиёжларини аниқлаш мақсадида Хитойнинг BYD компанияси билан ҳамкорликда Car Clinic тадқиқот лойиҳасини ўтказишни бошлади. Унда потенциал харидорларнинг янги энергия манбалари бўйича автомобилларни қабул қилиши ўрганилади.
UzAuto бозорига автомобилларни олиб кирилишида дастлаб истеъмолчиларнинг фикрини ўрганиш анъанага айланди. Бу ўз навбатида, компаниянинг барча маҳсулотларини маҳаллий шароит ва афзалликларга мослаштиради.
Истеъмолчилар эҳтиёжларини аниқлаш мақсадида BYD автомобиль моделларининг плагинли гибрид электромобиллари (PHEV) прототиплар сифатида тақдим этилди.
Car Clinic иштирокчилари тақдим этилган моделларнинг техник хусусиятлари орасида BYD томонидан ишлаб чиқарилган портлаш ва ёнғинга чидамли Blade Battery аккумуляторларнинг мавжудлигини қайд этди.
Бу аккумулятор тўлиқ заряд ва тўлиқ ёқилғи бакида 100 километр учун атиги 3,8-4,5 литр ёқилғи сарфи билан 1200 кмгача масофани босиб ўтишга имкон беради. Тезлашув вақти 100 км/сга 7,3-7,9 сонияни ташкил этади.
Хитойда автомобилнинг биринчи эгалари учун унинг асосий қисмлари (аккумулятор, двигатель ва электрон бошқарув тизими)га умрбод кафолат берилади. Автомобиль кафолати 6 йил ёки 150 минг километр бўлиб, бу эса автомобилнинг юқори ишончлилигидан далолат беради.
Барча учун алоҳида ижобий факт бу турдаги автомобилларни бошқаришнинг тежамкорлиги бўлди — тахминларга кўра, PHEV’нинг йиллик эксплуатация харажатлари бошқа автомобилларга қараганда 400 долларга кам.
Ақлли бошқарув тизими ва 360° камераларнинг мавжудлиги автомобилни телефон орқали бошқариш, шунингдек, унинг жойлашувини, камералардан олинган маълумотларни, ёқилғи сарфини, иситиш ва совитиш тизими ва бошқа бир қатор тизимларни бошқариш имконини беради.
Буларнинг барчаси замонавий автомобиль дизайни билан бир қаторда, шунингдек, катта дисплей (уни текисликда 90 градусга кенгайтириш имконияти билан), адаптив круиз-контроль, йўналишни бошқариш, ҳавони тозалаш тизими, симсиз зарядлаш ва бошқа кўплаб функционал имкониятларнинг мавжудлиги, футуристик дисклари билан БЙД автомобилларини сотиб олиш учун энг функционал ва мақбуллардан бирига айлантиради.
Ўзбекистонда янги энергия манбаларида автомобиль ишлаб чиқарилишини йўлга қўйиш режалаштирилгани муносабати билан, ушбу автомобиллар тадбир қатнашчилари томонидан кўздан кечириш билан бирга, Test drive ҳам ўтказилди ҳамда синовдан ўтаётган моделлардан истеъмолчиларнинг кўнгиллари тўлгани ёки камчиликлари борасида: автомобиль дизайни, қулайлиги ва бошқа кўплаб жиҳатларини ўрганишга қаратилган махсус сўровнома ўтказилди.
Car clinic усули «сифатли» тадқиқотларни, автомобилларнинг статистик ва динамик тестларини, шунингдек, сўровномаларни ўз ичига олган.
Тадқиқотнинг мақсадли аудиторияси анъанавий ёқилғили автомобиль ва электромобиль эгалари бўлиб, келажакда оптимал конфигурациянинг зарур имкониятлари ва хусусиятларини батафсил аниқлашга имкон беради. Иштирокчилардан олинган сўровномалар натижаси Ўзбекистонда церийали ишлаб чиқарилиши кутилаётган автомобилларга ўзгартириш ва қўшимчалар киритилишига қаратилади.
Эслатиб ўтамиз, жорий йилнинг февраль ойида UzAuto ва Хитойнинг энг йирик элекромобиль ишлаб чиқарувчи компанияси BYD ўртасида ўзаро ҳамкорлик қилишга келишилди. Ҳамкорлик доирасида томонлар енгил автомобиллар ҳамда автобусларни ишлаб чиқариш бўйича қўшма лойиҳани Ўзбекистоннинг янги энергия манбаида (НEВ- гибридлар, электромобиллар ва электроавтобуслар) амалга ошириш имкониятларини ўрганишни келишиб олди.
Шунингдек, лойиҳа ўз ичига савдо ва сервис хизмат кўрсатиш шу жумладан, электромобиллар аккумуляторлари ҳамда электродвигателларга техник хизмат кўрсатиш тармоғларини яратишни ўз ичига олади.
Реклама
