Италиянинг Ferrari спорт автомобиллари ишлаб чиқарувчиси 2022 йилнинг кузида ўзининг характеристикалари бўйича кроссоверга (йўлтанламас, sport-utility vehicle) ўхшаб кетадиган янги автомобилни тақдим этишни режалаштирмоқда.
Purosangue деб номланган янги модель узоқ вақтдан бери ишлаб чиқилмоқда, ҳатто прототипнинг тасвирлари оммавий ахборот воситаларида ҳам пайдо бўлди.
Ferrari автомобилнинг тўлиқ тақдимоти 2022 йил сентябрь ойида бўлиб ўтишини эълон қилди. Суперкроссовер 2023 йилда сотувга чиқиши кутилмоқда.
Сўнгги йилларда кроссоверлар автомобиль бозорининг ўсишига туртки бўлмоқда. Ҳатто одатда йўлтанламаслар билан боғлиқ бўлмаган компаниялар ҳам ўзларининг йўлтанламасларини ишлаб чиқаришни бошлади. Жумладан, Ferrari’нинг спорт автомобиллари сегментидаги асосий рақобатчилари Bentley va Lamborghini ҳам.
Шунингдек, инвесторлар учун ўтказилган тадбир давомида Ferrari раҳбарияти 2025 йилда биринчи тўлиқ электр автомобиль модели пайдо бўлишини эълон қилди.
Ҳозирда компания тўртта гибрид моделни, жумладан SF90 Stradale флагманини ишлаб чиқаради.
Аввалроқ Ferrari 2 миллион евролик эксклюзив Daytona SP3 суперкарини тақдим этгани хабар қилинганди. Шунингдек, Ferrari эксклюзив BR20 спорткарини тақдим этгани ҳақида хабар берилди.
