Россияда Apple ва Samsung ускуналарининг 2—3 ойга етувчи захираси қолди. Бу ҳақда РБК ёзмоқда.
Citylink ва бошқа йирик тармоқларнинг таъкидлашича, Россияга етказиб бериш чекланган брендларнинг ускуналари ўртача икки ойдан уч ойгача етади. Бу Apple ва Samsung қурилмаларига ҳам тегишли.
Санкциялар таъсири
Вазиятга АҚШнинг юқори технологияли маҳсулотлар экспортига Россиянинг Украинага ҳужум бошланганидан кейин жорий қилинган санкциялари сабаб бўлмоқда.
Россияга қарши юқори технологияли маҳсулотлар экспортига нисбатан киритилган санкциялар АҚШ компанияларидан мамлакатга электроника, компьютерлар, авионика, аэрокосмик компонентлар ва бошқа жиҳозларни экспорт қилиш учун лицензия олишни талаб қилади.
Истеъмолчи алоқа қурилмалари, жумладан, шахсий компьютерлар, смартфонлар ва рақамли камералар учун рухсат берилмайди ва уларни жисмоний шахсларга сотиш учун эркин етказиб бериш мумкин, бироқ бир нечта йирик ишлаб чиқарувчилар Россияда фаолиятини тўхтатишга қарор қилди. Улар орасида Apple ва Samsung ҳам бор.
РБК маълумотларига кўра, йирик тармоқларда аллақачон iPhone 11 ва 12 танқислиги кузатилмоқда.
«Биз омборда қолган товарлар билан савдо қиляпмиз. iPhone 11 ва 12 Россияда бир неча йиллардан бери сотилмоқда, уларнинг захиралари оз эди. Бундан ташқари, нархлар ошганидан сўнг, ушбу моделларнинг нархи янги моделларга нисбатан анча қулайроқ бўлиб чиқди.Энди iPhone 12 Pro Max олти ой олдинги iPhone 13 Pro Max билан бир хил туради», — йирик тармоқлардан бирининг ходими.
Етакчилар ва сабаблар
МТС маълумотларига кўра, Samsung 2021 йилда Россия смартфон бозорида 32,1 фоиз улуш билан етакчи бўлди, ундан кейинги ўринларни Xiaomi (29,1 фоиз) ва Apple (15,2 фоиз) эгаллаб турибди. Samsung ускуналарини етказиб беришга доир муаммолар ҳам логистика, ҳам валюта ўзгариши билан боғлиқ.
Март ойи ўрталарида Financial Times нашри хабар беришича, Хитой смартфонларини Россияга, жумладан Xiaomi, OPPO ва Huawei етказиб бериш камида икки баробарга қисқарган.
