Toshiba акциядорлари 24 мартдаги йиғилишда Япония корпорацияси раҳбариятининг уни иккита компанияга бўлиш режасини қўллаб-қувватламади. Бу ҳақда Nikkei хабар берди.
Маълум қилинишича, йирик сармоядорлар бу ташаббусга қарши чиққан. Уларнинг қарори қонуний кучга эга эмас, бироқ Toshiba раҳбарияти йирик акциядорлар ўртасидаги норозиликни камайтириш учун стратегиясини қайта кўриб чиқишига тўғри келади.
Қайд этилишича, Toshiba акциядорларининг умумий йиғилишидан олдин ҳам уларнинг энг йириклари компаниянинг бўлиниш режаларига бирин-кетин норозилик билдирган. Учрашув якунида Toshiba президенти Таро Симада компанияни бўлиш ғояси рад этилганини айтган ва барча стратегик вариантларни кўриб чиқиш вазифасини топширган.
Toshiba февраль ойида ўзининг стратегик ривожланиш режасини қайта кўриб чиқишни эълон қилди ва корпорацияни икки компанияга бўлишга қарор қилди. Тахминларга кўра, Toshiba умумий тузилмасидан электрон қурилмалар ва микрочиплар ишлаб чиқариш бизнеси ажратилган.
Дастлаб, компанияни учга бўлиш режалаштирилган, аммо бу вариант акциядорлар, шу жумладан уларнинг энг йириги — Investment Partners томонидан кескин танқид қилинган.
Аввалроқ Toyota Япониядаги аксарият заводларини бир неча кунга ёпиши хабар қилинганди.
