Samsung бир вақтнинг ўзида А сериясидан учта янги смартфонни тақдим этди — Galaxy A33, Galaxy A53 ва Galaxy A73 моделлари.
A33 ва A53’га Samsung Exynos 1280 процессори ўрнатилган, А73 Qualcomm’нинг Snapdragon 778G чипига эга бўлди. Барча янги маҳсулотлар учун 6 ёки 8 GB оператив хотира ва 128 ёки GB ГБ ички хотирага эга версиялар мавжуд.
Учала смартфонда ҳам Corning Gorilla Glass 5 билан қопланган Full HD+ (1080 x 2400 пиксел) Super AMOLED экранлар мавжуд бўлиб, улар фақат экран ўлчамлари билан фарқланади — А33 учун 6,4 дюйм, А53 учун 6,5 дюйм ва А73 учун 6,7 дюйм.
Барча қурилмаларда 25 Вт қувватга эга 5000 мА/соат аккумулятор мавжуд, гаджет қутилари эса IP67 стандарти бўйича намлик ва чангдан ҳимояланиш учун сертификатланган.
Асосий фарқ камераларда. Galaxy A33 13 MP олд камера ва 48 MP асосий блок, 8 MP кенг бурчакли линза, 5 MP макро линза ва 2 MP чуқурлик сенсорига эга бўлди.
Galaxy A53 ва Galaxy A73 32 мегапикселли олд камера билан жиҳозланган, асосий блокда эса 12 мегапикселли кенг бурчакли 5 мегапикселли макро линзалар, шунингдек, 5 мегапикселли чуқурлик сенсори мавжуд. Асосий камерада А73 учун 102 мегапикселли модул ва А53 учун 64 мегапикселли модул мавжуд.
5G авлод тармоқларини қўллаб-қувватлайдиган смартфонлар бозорга Android 12 операцион тизими ва One UI 4.1 қобиғи билан киради. Янги Samsung А сериясининг сотуви апрель ойида бошланади, гаджетлар нархи эса ҳозирча айтилмаган.
