Rolls-Royce яқин 3-5 йил ичида тўлиқ электрлаштирилган самолётни тақдим этади. Бу ҳақда Bloomberg хабар берди.
Rolls-Royce электротехника бўлими раҳбари Роб Уотсонга кўра, компания 600 киловатт/соат қувватга эга аккумуляторни ишлаб чиққан, бу эса самолётга 6–8 кишини 80 денгиз мили масофага ташиш имконини беради. Илгари компания Airbus ва Boeing учун двигателлар яратган.
Таъкидланишича, такомиллаштирилган аккумулятор технологияси туфайли вертикал учиш ва қўнишга эга самолётлар 2030 йилларга келиб 400 километр (250 миля)гача уча олади.
«Бизнинг технологиядан ишончимиз комил. Ҳозирда биз уни сезиларли иқтисодий таъсир кўрсатиши учун ривожлантиришимиз керак», деган Уотсон.
Унинг фикрича, яқин 3–5 йил ичида шаҳарлар ва ҳудудлар ўртасида электр самолёт орқали ҳаракатланиш имконияти пайдо бўлади. Шу билан бирга, Уотсон Airbus и Boeing’нинг энг машҳур моделлари тўлиқ электрлаштирилади, деб ҳисобламайди.
«Агар сиз [самолётда] юзлаб одамларни минглаб километрларга ташимоқчи бўлсангиз, сиз буни ҳеч қачон батарея билан бажара олмайсиз, чунки сиз унинг энергия зичлиги ва оғирлиги билан чекланасиз», — деб тушунтирган у.
Аввалроқ Rolls-Royce кичик ядровий реакторлар ишлаб чиқариш учун 600 млн доллардан ортиқ маблағ тўплагани хабар қилинганди. Шунингдек, Жанубий Кореяда ҳаво такси хизмати йўлга қўйилиши ҳақида хабар берилди.
