Oʻzbekiston boʻyicha 280 mingta xonadonning 1 kunlik isteʼmoliga teng tabiiy gazdan noqonuniy foydalanish holatlari aniqlandi. Bu haqda Energetika vazirligi matbuot xizmati xabar berdi.
Energetika vazirligi maxsus shtabi tomonidan isteʼmolchilarning tabiiy gazdan noqonuniy foydalanish holatlari tahlil qilingan.
Oʻtkazilgan tadbirlar davomida 2022 yil yanvar oyining 25 kunida respublika boʻyicha 215 ta holatda ulgurji isteʼmolchilar tomonidan 4 mln 900 ming kub metr hajmdagi tabiiy gazdan noqonuniy foydalanilgani aniqlangan. Buning oqibatida gaz taʼminoti korxonalari manfaatlariga 5,5 milliard soʻm zarar yetkazilgan.
Ushbu hajmdagi tabiiy gaz 280 mingta xonadonning bir kunlik isteʼmolini tashkil etadi.
Aniqlangan barcha holatlar boʻyicha tegishli hujjatlar rasmiylashtirilib huquqni muhofaza qiluvchi organlarga taqdim etilgan.
