Ўзбекистоннинг барча ҳудудларида электр таъминоти тўлиқ тикланди. Бу ҳақда Энергетика вазирлиги матбуот хизмати хабар берди.
Маълум қилинишича, айни пайтда мамлакатда «Тўрақўрғон» ИЕСдан ташқари барча электр станцияларининг режим иши тикланган. Шунингдек, соат 16:00 дан республиканинг барча ҳудудларида электр энергияси таъминоти тўлиқ тикланган.
Шу билан бирга, Ўзбекистонда газ таъминоти тўлиқ тикланмаганини инобатга олган ҳолда, фуқаролардан сабр-тоқатли бўлиш ва электр токи узилишининг олдини олиш учун қўшимча электр иситгичларни алоҳида эҳтиёжсиз ёқмаслик сўралган.
Аввалроқ Президент электр таъминоти узилиши бўйича муносабат билдиргани хабар қилинганди.
