Oʻzbekistonning barcha hududlarida elektr taʼminoti toʻliq tiklandi. Bu haqda Energetika vazirligi matbuot xizmati xabar berdi.
Maʼlum qilinishicha, ayni paytda mamlakatda “Toʻraqoʻrgʻon” IYESdan tashqari barcha elektr stansiyalarining rejim ishi tiklangan. Shuningdek, soat 16:00 dan respublikaning barcha hududlarida elektr energiyasi taʼminoti toʻliq tiklangan.
Shu bilan birga, Oʻzbekistonda gaz taʼminoti toʻliq tiklanmaganini inobatga olgan holda, fuqarolardan sabr-toqatli boʻlish va elektr toki uzilishining oldini olish uchun qoʻshimcha elektr isitgichlarni alohida ehtiyojsiz yoqmaslik soʻralgan.
Avvalroq Prezident elektr taʼminoti uzilishi boʻyicha munosabat bildirgani xabar qilingandi.
