Ўзбекистон 11 ойда 502,8 миллион долларлик автомобиль импорт қилди. Бу ҳақда Давлат статистика қўмитаси маълумот берди.
Унга кўра, 2021 йилнинг январь-ноябрь ойларида Ўзбекистон 25 та хорижий давлатдан 502,8 миллион долларлик қарийб 23 155 та енгил автомобиль импорт қилган.
Енгил автомобиллар импорти 2020 йилнинг мос даври билан солиштирилганда 179 тага камайган.
Аввалроқ Ўзбекистон энг кўп қайси давлатлардан автомобиль импорт қилаётгани ҳақида маълумот берилганди. Рўйхатда 6963 та автомобиль билан Хитой етакчилик қилмоқда.
