Tesla Шанхайдаги заводида ишлаб чиқариш қувватини кенгайтириш учун 187,91 миллион доллар сарфлашга қарор қилди, деб ёзади Reuters нашри.
Beijing Daily нашрининг ёзишича, компания заводда 4 мингта янги иш ўрни яратади. Шундай қилиб, компания ходимлари сони 19 минг нафарга этади.
Завод қуввати қанчага ошишини компания ошкор қилмаган. Айни пайтда Шанхай заводида йилига 450 минг дона Model 3 ва Model Y электромобиллари ишлаб чиқарилади.
Шанхайдаги завод тўлалигича Tesla компаниясига тегишли. Бу Хитойда қўшма корхона доирасида автомобиль ишлаб чиқармайдиган ягона завод ҳисобланади.
Аввалроқ Tesla’нинг энг тезкор электромобили Model S Plaid Хитой бозорига 2022 йил чиқиши ҳақида хабар берилганди.
