Hyundai компанияси Hyundai Ioniq 7 серийали электрокарга айланиши кутилаётган Seven кроссовери тизерини намойиш этди. Бу ҳақда «Коммерсантъ» нашри ёзмоқда.
Эълон қилинган суратларга қараганда, Seven Hyundai Staria микроавтобуси услубида ишлаб чиқарилади. Салон алоҳида креслолар ва диванга эга бўлади. Ички безатиш учун эса экологик тоза материаллардан фойдаланилади.
Hyundai Seven концепт-карининг тақдимоти 17 ноябрь куни Лос-Анжелес автосалонида бўлиб ўтади. Прототип асосидаги серийали электр кроссовер 2023 йилда чиқарилиши кўзда тутилган.
Аввалроқ Volkswagen компанияси ID.5 серияли купе-кроссоверни тақдим этганди.
