Октябрь ойида эскроу ҳисобварақлари орқали кўчмас мулк ва транспорт воситалари олди-сотдиси бўйича жами 33 631 та битим расмийлаштирилди. Бу ҳақда Марказий банк хабар берди.
Битимларнинг 16 893 таси кўчмас мулкка, 16 738 таси транспорт воситаларига тегишли. Кўчмас мулк бўйича битимлар сони сентябрга нисбатан 182 тага, яъни 1,1 фоизга ошди. Марказий банк транспорт воситалари бўйича олдинги ой билан таққослашни келтирмаган.
Энг кўп битим Тошкент шаҳрида — 10 674 та қайд этилди. Бу жами битимларнинг 31,7 фоизи.
Фарғона вилоятида 3 121 та, Самарқанд вилоятида 2 933 та, Наманган вилоятида 2 179 та битим расмийлаштирилди. Пойтахтдан ташқари барча ҳудудлар ҳиссасига жами битимларнинг 68,3 фоизи тўғри келди.
Октябрь ойида 6 509 та битим бўйича маълумот банклардан олинган. Улардан 3 555 таси кўчмас мулк, 2 954 таси транспорт воситалари олди-сотдисига тегишли.
Эскроу ҳисобварағи — олди-сотди пули битим шартлари бажарилгунга қадар банкдаги махсус ҳисобда сақланадиган ҳисобварақ. Харидор пулни шу ҳисобга ўтказади, сотувчи эса мулк ёки транспорт воситаси харидор номига расмийлаштирилгандан кейин маблағни олади.
