Joriy yilning ikkinchi yarmida Ozarbayjon Xalqaro banki (ABB) Oʻzbekistonning Davrbankʻini sotib olib, mamlakat bozorida faoliyat boshlaydi.
Bu haqda Bokuda bankning barqarorlik boʻyicha hisobotiga bagʻishlangan matbuot anjumanida ABB boshqaruv raisi Abbos Ibrohimov maʼlum qildi.
Uning soʻzlariga koʻra, Oʻzbekiston bozoridagi xususiy bankning nazorat paketini sotib olish boʻyicha muzokaralar ijobiy yakunlangan.
“Biz nazorat paketini sotib olmoqchi boʻlgan bank Oʻzbekistondagi xususiy banklardan biri boʻlib, u Davrbank deb ataladi. Umid qilamizki, ruxsatnomalarni olish va rasmiylashtirish jarayonlarini tez yakunlay olsak, mamlakatimizning xalqaro bank brendi — ABB Oʻzbekiston bozorida ABB Davrbank nomi ostida joriy yilning ikkinchi yarmidayoq faoliyat boshlaydi”, — dedi u.
Boshqaruv raisi ABB Davrbank aksiyalarining 51 foiziga egalik qilishini qoʻshimcha qildi.
