2026 yil 1 fevraldan “Tashabbuskor xalq uchun — yangi imkoniyatlar mavsumi” shiori ostida “Tashabbusli byudjet” jarayonining 2026 yilgi ilk mavsumi boshlanadi. Ushbu mavsum “Tashabbusli byudjet” joriy etilganidan buyon oʻtkazilayotgan oʻninchi — yubiley mavsum hisoblanadi.
Maʼlum qilinishicha, mavsum quyidagi bosqichlar asosida tashkil etiladi:
- 1–20 fevral — loyihalarni kiritish;
- 21 fevral – 7 mart — loyihalarni saralash;
- 8–10 mart — targʻibot bosqichi;
- 11–20 mart — ovoz berish bosqichi;
- 21–31 mart — qoʻshimcha gʻoliblarni eʼlon qilish bosqichi.
Shuningdek, anʼanaviy tartibga koʻra, ovoz berish bosqichi yakunlari boʻyicha gʻolib loyihalar 21 mart — Navroʻz bayrami kuni eʼlon qilinishi qayd etildi.
Fuqarolar mahallasi uchun tashabbus koʻrsatib, loyiha kiritish va ovoz berish jarayonlarida faol ishtirok etishga chaqirildi.
