“Ташаббусли бюджет”нинг 2024-йил иккинчи мавсуми 6-июлдан бошланади. Бу ҳақда Иқтисодиёт ва молия вазирлиги матбуот хизмати хабар берди.
Маълум қилинишича, лойиҳаларни киритиш жараёни 6-июлдан 26-июлга қадар давом этади. Лойиҳалар 26-июлдан 15-августгача сараланиб, шундан сўнг, бир ҳафтда давомида уларнинг тарғиботи ўтказилади. Овоз бериш жараёни эса 22-августдан 1-сентябргача олиб борилади.
Жорий мавсум учун туман ва шаҳарлар бюджетидан 2 триллион сўмдан ортиқ маблағ йўналтирилади. Лойиҳаларнинг энг юқори қиймати эса 1,36 миллиард сўмни ташкил этади.
Эслатиб ўтамиз, “Ташаббусли бюджет”нинг бу йилги биринчи мавсуми 1-февралдан бошланиб, ғолиб лойиҳалар апрел ойида эълон қилинган эди.
