Raqobat qoʻmitasining oʻrganishlari natijasida, UPay toʻlov tizimining Humoʻga toʻliq integratsiya qilinishi taʼminlandi
Qayd etilishicha, Raqobat qoʻmitasiga UPay toʻlov tizimi tomonidan “Milliy banklararo protsessing markazi” AJ tizimi bilan integratsiya qilishda amaliy yordam koʻrsatish boʻyicha murojaat qilingan.
Holat boʻyicha qoʻmita tomonidan belgilangan tartibda oʻrganish ishlari olib borilib, “Milliy banklararo protsessing markazi” AJga rasmiy soʻrov yuborilgan hamda murojaatda bayon etilgan masala ijobiy hal etilgan.
Natijada, “Maroqand” AJning UPay toʻlov tizimi Humo tizimiga muvaffaqiyatli integratsiya qilingan va ayni paytda toʻlov operatsiyalarini amalga oshirish toʻliq tiklangan.
