Markaziy bankda Xitoyning yirik texnologik kompaniyasi Tencent Holdings Ltd tarkibiga kiruvchi Tencent Cloud International delegatsiyasi bilan uchrashuv boʻlib oʻtdi.
Uchrashuvda mamlakatdagi raqamli texnologiyalar va bulutli infratuzilmani rivojlantirish borasidagi ikki tomonlama hamkorlik masalalari muhokama qilindi.
Muzokaralar chogʻida tomonlar Tencent Holdings Ltd tarkibidagi WeChat Pay raqamli toʻlov tizimini Oʻzbekistondagi mahalliy toʻlov tizimlari bilan integratsiya qilish, QR-kod orqali toʻlovlarni amalga oshirish imkoniyatlari hamda ushbu yoʻnalishda oʻzaro hamkorlikni kengaytirish istiqbollarini koʻrib chiqdilar.
Uchrashuv yakunida tomonlar toʻlov tizimlari sohasidagi tashabbuslarni qoʻllab-quvvatlab, kelgusida amalga oshiriladigan ishlarni kelishib oldilar.
