Норвегия ҳукумати Украина энергетика инфратузилмасини тиклаш учун 1 миллиард крон (тахминан 100 миллион доллар) ажратади.
Қайд этилишича, мамлакат ташқи ишлар вазири Анникен Хюитфельдт ва Жаҳон банкининг Шарқий Европа минтақавий директори Аруп Банержи томонидан маблағ ажратилиши бўйича шартнома имзоланган.
Норвегия Украина инфратузилмасини тиклаш учун миллиард крон (тахминан 100 миллион доллар) ажратишга қарор қилди. Ушбу маблағлар электр тармоқлари ускуналарини харид қилиш, трансформаторлар ва бошқа жиҳозлар учун сарфланади.
«Россия томонидан амалга оширилаётган ҳарбий ҳаракатлар оқибатила Украинадаги электр таъминоти тизими ва бошқа инфратузилмани зудлик билан таъмирлаш зарурати пайдо бўлди. Бугун биз таъмирлаш ишларини тезкорлик билан амалга ошириш учун 1 миллиард крон ажратиш бўйича келишув имзолаганимиздан хурсандман», – деди Хюитфельдт.
