Вазирлар Маҳкамасининг «Қишлоқ хўжалиги соҳасида ўқув-тажриба хўжаликларини ташкил этиш чора-тадбирлари тўғрисида»ги қарори қабул қилинди. Бу ҳақда «Norma.uz» хабар берди.
Унга кўра хужжат қуйидагиларни назарда тутади:
- янги ташкил этилаётган ўқув-тажриба хўжаликлари учун 279 гектар ер майдонини ажратиш;
- ушбу ерларни 30 йил муддатга ижара ҳуқуқида бериш;
- ушбу ерларда қишлоқ хўжалиги экинларини экиш ва етиштиришни ташкил этиш, мониторинг қилишнинг илмий асосланган усулларини қўллаш;
- спекторли камералар билан жиҳозланган дронларда олинган суратларга ишлов бериш орқали қишлоқ хўжалиги экинларини мониторинг қилиш бўйича таклифларни ишлаб чиқиш.
Шунингдек, ҳужжат 1 089 гектар суғорилмайдиган ер майдонларини Чимбой туман ҳокимлиги (Қорақалпоғистон) захирасига қайтариш ва кейинчалик очиқ электрон танлов асосида қишлоқ хўжалиги маҳсулотларини етиштириш учун ажратишни кўзда тутади.
Ушбу ўқув-тажриба хўжаликларини ташкил этиш учун республика бўйича умумий ҳисобда 278 гектар ер майдони ажратилади.
