Nexia/Aveo тез орада тарихга кириши 2018 йилда маълум бўлган эди. Ўшанда Chevrolet компаниясига эгалик қилувчи General Motors енгил автомобиллар ишлаб чиқаришдан воз кечиш ва асосий эътиборни кроссоверлар, йўлтанламаслар ва электромобиллар қаторини кенгайтиришга қаратилишини эълон қилган эди.
Chevy Spark АҚШ бозорида 2022 йилги модель йили тугагандан сўнг ишлаб чиқариш тўхтатилади. Камлитражни ишлаб чиқариш 31 август куни GM’нинг Жанубий Кореядаги Чангвон заводида якунланади.
Шу фактларни ҳисобга олган ҳолда, Ўзбекистонда ҳам Чевролет Спарк ва Нехиа автомобилларини ишлаб чиқаришни тўхтатиш мантиқан тўғрилиги айтилмоқда. GM томонидан ушбу моделларнинг глобал конвейерлардан олиб ташланиши ушбу автомобиллар учун бутловчи қисмларни ишлаб чиқаришни, шунингдек, уларни янада техник такомиллаштиришни тўлиқ тўхтатилишини англатади.
«Ҳамёнбоп нархда қулайлик, функционаллик ва услубни излаётган мижозлар Chevrolet’нинг ихчам йўлтанламаслари ичида яхши танлов имкониятига эга бўлишда давом этишади», — деди компания матбуот котиби Кевин Келли.
Қайд этилишича, бу қадам ажабланарли эмас, чунки GM бир неча йиллардан буён машҳур бўлмаган автомобиллардан воз кечмоқда. Детройт автомобиль ишлаб чиқарувчиси аввалроқ Chevy Cruze, Sonic ва Impala автомобилларини ишлаб чиқаришни тўхтатиб, ўз рўйхатида учта автомобилни қолдирган эди: Camaro, Corvette ва Malibu.
«Бу GM’нинг худди маҳаллий рақобатчилари каби, кўпгина автомобилларини ўз қаторидан олиб ташлаш тенденциясига мос келади. Spark савдолари ҳеч қачон катта бўлмаган ва тушиб кетган», — деди Cox Automotive компаниясининг ижрочи таҳлилчиси Мишел Кребс Spark ишлаб чиқаришни тугатиш ҳақидаги баёнотида.
GM 2021 йилда атиги 24 459 дона Spark сотди, бу 2021 йилга нисбатан 27 фоизга кам. Тўртинчи чоракда GM 1500 дан кам автомобиль сотди. GM Spark’ни АҚШ бозорига 2012 йилда чиқарган.
Chevrolet Nexia «клонлари» билан ҳам вазият худди шундай — Ҳиндистон каби энг йирик бозорларда сотувлар 2011 йилда 140 тага тушиб кетган.
«Сovid’дан аввалги даврда Chevy Spark автомобили ҳар чоракда 5 мингдан 11 тагача сотилар эди, бу одатда чоракда ярим миллионга яқин автомобиль сотадиган бренд учун океандаги томчидир», — деди Кребс.
Kelley Blue Book нашрига кўра, Spark Американинг энг арзон автомобили бўлган, энди Mitsubishi Mirage ўртача 16 600 доллар нархда ушбу номга эга бўлади.
