Андижонда «АСР» масъулияти чекланган жамияти томонидан телевизор ишлаб чиқариш йўлга қўйди. Бу ҳақда вилоят ҳокимлиги ахборот хизмати хабар берди.
Маълум бўлишича, 27 июнь куни масъулияти чекланган жамият томонидан ишлаб чиқарилган илк маҳсулотлар тақдимоти ўтказилган. Тадбирдарда вилоят ҳокими Шуҳрат Абдураҳмонов иштирок этган.
Таъкидланишича, телевизор ишлаб чиқариш корхонасининг фаолияти орқали 75 та янги ишчи ўрни яратилган.
Шунингдек, лойиҳага асосан «Андижон» телевизорлари сотувга қўйилиб, маҳсулотлар бренд даражасига олиб чиқилиши айтилган. Корхона бир йилда 50 минг дона тайёр маҳсулот ишлаб чиқариш қувватига эга.
