Starbucks кофе тармоғи Британиядаги активларини сотиш имкониятларини ўрганмоқда. Бу ҳақда Thr Times нашри хабар берди.
Ҳозирча аниқ келишувлар мавжуд эмас, компания вариантларни кўриб чиқмоқда. Нашрнинг қайд этишича, Starbucks’нинг бозорни тарк этиш қарорига Pret A Manger, Tim Hortons va Kosta тармоқлари билан юқори рақобат сабаб бўлган.
Starbucks’нинг 2021 йилги молиявий ҳисоботида қайд этилишича, компаниянинг Буюк Британияда мингдан ортиқ қаҳвахоналари мавжуд бўлиб, уларда тўрт мингга яқин киши ишлайди. Унинг мамлакатдаги умумий даромади 389 миллион долларни ташкил этган.
Starbucks Хитойдаги жиддий COVID чекловлари сабаб 2023 йил учун молиявий прогнозни эълон қилмади, бу эса унинг мамлакатдаги савдосига таъсир қилди.
Аввалроқ рестаратор Антон Пинский, репер Тимати ва сенатор Арсен Каноковнинг «Синдика» компанияси Россиядаги Starbucks қаҳвахоналар тармоғининг янги эгалари бўлиши маълум бўлганди. Томонлар келишув шартларини ошкор қилмади.
Тармоқ номи VKCoffee’га ўзгартирилиши мумкин. Американинг Starbucks компанияси 2022 йил май ойи охирида Украинага бостириб киргани сабаб Россия бозоридан чиқишини эълон қилган.
Эслатиб ўтамиз, аввалроқ Starbucks ва Amazon Go Ню-Йоркда илк марта сотувчиси кафе очганди. У ерда харидорлар махсус мобил илова орқали буюртма бериши мумкин.
