Surxondaryo viloyatining Boysun tumanida oʻtkaziladigan “Boysun bahori” xalqaro folklor festivali mehmonlariga yanada qulaylik yaratish maqsadida 2022 yilning 7 may kuni Andijon-Termiz-Fargʻona va Nukus-Termiz-Nukus yoʻnalishlarida qoʻshimcha charter aviaqatnovlar yoʻlga qoʻyildi.
Shu bilan birga, yoʻlovchilarni Fargʻona viloyatidan Andijon viloyatiga olib borish uchun avtobuslar ajratildi.
Taʼkidlvnishicha, ushbu qoʻshimcha reyslar Oʻzbekiston Prezidentining 2022 yil 26 apreldagi “Turizmni yanada rivojlantirish, ichki turizm bozorini kengaytirish, turizm obyektlarini koʻpaytirish hamda muzeylar faoliyatini takomillashtirish chora-tadbirlari”ga bagʻishlangan kengaytirilgan videoselektor yigʻilishida berilgan topshiriqlar ijrosini taʼminlash, hududlarda oʻtkazilayotgan ommaviy tadbirlarda sayyohlarga qoʻshimcha shart-sharoitlar yaratish maqsadida Turizm va madaniy meros vazirligi tashabbusi bilan yoʻlga qoʻyildi.
