Dushanba kungi auksionda Brent neftining narxi soʻnggi ikki hafta ichida minimal darajaga tushdi. Bu haqda Bloomberg yozmoqda.
Brent iyun fyucherslarining narxi bir barrel uchun 101,66 dollargacha tushib ketdi, bu oxirgi yopilish narxidan 4,7 foizga past va 12 apreldan beri eng past darajadir. Brent soʻnggi sessiya yakuniga koʻra 4,38 foizga pasayib, 101,98 dollardan sotildi.
25 aprelda WTI uchun iyun oyidagi shartnomalar ham 4,7 foizga pasayib, bir barrel uchun 97,25 dollardan kunlik eng past koʻrsatkichga ega boʻldi. Moskva vaqti bilan soat 11:50 holatiga koʻra, WTI nefti 97,5 dollarni tashkil etdi, bu oxirgi yopilishdan 4,48 foizga pasaydi.
Shanxayda davom etayotgan lokdaun va Qoʻshma Shtatlardagi asosiy kursning oshishi mumkin boʻlgan sharoitda talabning pasayishi va global iqtisodiy oʻsishning sekinlashishi qoʻrquvi tufayli neft arzonlashmoqda.
AQSH Federal zaxira tizimi raisi Jerom Pauyell avvalroq regulyatorning may oyidagi yigʻilishida stavkaning 0,5 foizga koʻtarilishi “koʻrib chiqilishini” aytdi.
Biroq neft narxi pasayishda davom etishi dargumon va hatto Yevropa Ittifoqining Rossiya neft va gaziga qarshi ehtimoliy sanksiyalari fonida koʻtarilishi mumkin.
