BMW компанияси 7 Series янги авлоди асосидаги i7 электроседанини тақдим этди. Бу ҳақда «Коммерсантъ» хабар бермоқда.
Электромобиль кузови ва интерьерининг дизайни ички ёнув двигателли седан билан бирлаштирилган, бироқ ташқи ва интерьер дизайнидаги кўк аксанлар билан фарқланади.
Янги модель xDrive60 версиясида 544 от кучига эга иккита двигателли электр станцияси, тўлиқ ғилдиракли узатма ва бир қувватланишда 590 километргача масофани босиб ўтишга қодир бўлган 101,7 кВт/соатли аккумулятор билан дебют қилди.
BMW i7 сотуви 2022 йил охирида бошланади.
Электрокарнинг 660 от кучига эга флагман версияси — BMW i7 M70 xDrive модификациясининг тақдимоти 2023 йилга мўлжалланган.
Аввалроқ BMW компанияси i7 электроседанини тайёрлаётгани ва ушбу модель F-класс тарихидаги илк электроседан сифатида баҳоланаётгани ҳақида хабар берилганди.
