Ўзбекистонда автомобиль бензини ишлаб чиқариш ҳажми ошди. Бу ҳақда Давлат статистика қўмитаси матбуот хизмати хабар берди.
Маълумотларга кўра, 2022 йилнинг январь-февраль ойларида 196 минг тонна автомобиль бензини ишлаб чиқарилган. Автомобиль бензини ишлаб чиқариш ҳажми 2021 йилнинг мос даври билан солиштирилганда 5,8 фоизга ошган.
Қайд этилишича, 2022 йилнинг январь-февраль ойларида айрим турдаги саноат маҳсулотларини ишлаб чиқариш ҳажми қуйидагича:
- автомобиль бензини — 196 минг тонна;
- кўмир — 878,6 минг тонна;
- нефть — 118,3 минг тонна;
- газ конденцати — 230 минг тонна;
- енгил автомобиль — 39 922 дона;
- автобус — 68 дона;
- юк автомобиллари — 425 дона;
- автомобиль двигателлари — 32,8 минг дона.
Аввалроқ Ўзбекистон энг кўп бензин импорт қилаётган давлатлар хабар қилинганди. Шунингдек, Ўзбекистонда Аи-80 маркали бензиндан воз кечилиши ҳақида хабар берилди.
