Shveysariyaning Nestle transmilliy korporatsiyasi Rossiyaga hayotiy ahamiyatga ega boʻlmagan barcha tovarlarni yetkazib berishni toʻxtatadi. Bu haqda Reuters yozmoqda.
Yetkazib berish toʻxtatiladigan tovarlar orasida Nespresso brendi ostidagi mahsulotlar (kofe kapsulalari, qahva mashinalari, idish-tovoq va aksessuarlar) va S.Pellegrino brendi ostidagi mineral suvlar bor.
“Oziq-ovqat kompaniyasi va ish beruvchi sifatida biz 7 mingdan ortiq xodimlarning masʼuliyatini his qilamiz, ularning aksariyati mamlakat aholisidir. Biz aholini zarur va xavfsiz oziq-ovqat bilan taʼminlash uchun qoʻlimizdan kelgan barcha ishni davom ettiramiz”, deyiladi kompaniya xabarida.
Shuningdek, Nestle Rossiyaga barcha sarmoyalarni toʻxtatadi.
Bundan oldin, 8 mart kuni Coca-Cola Rossiyadagi faoliyatini toʻxtatganini eʼlon qilgandi. Qaror marketing va yangi loyihalarga investitsiyalarga taalluqlidir. 14 martdan boshlab kompaniya oʻz assortimenti narxini 15–30 foizga oshiradi. Bunga xom ashyo, materiallar, logistika narxining oshishi, shuningdek, Coca-Cola kompaniyasining reklamaga sarmoya kiritishdan bosh tortishi taʼsir qilishi mumkin edi.
Avvalroq Coca Cola, Nestle va boshqa xalqaro brendlar plastik ifloslanishga qarshi birlashgani xabar qilingandi. Shuningdek, KFC Rossiyadagi 70 ta restoranini yopishi haqida xabar berildi.
