Uzcard “Mir” toʻlov tizimi kartalarini qabul qilishni vaqtincha toʻxtatdi. Bu haqda kompaniya matbuot xizmati xabar berdi.
Amalga oshirilayotgan texnik ishlar munosabati bilan, 2022 yil 3 martdan “Mir” toʻlov tizimi kartalarini Uzcard terminal uskunalari mavjud parkining barcha qurilmalari, jumladan, POS-terminallar, bankomatlar va infokioskalar tomonidan qabul qilinishi vaqtinchalik toʻxtatiladi.
Taʼkidlanishicha, “Uzcard-Mir” kobeydj kartalari odatdagidek ishlamoqda. Kompaniya keltirilgan noqulayliklar uchun uzr soʻragan.
Avvalroq UZCARD Sber500 bilan Oʻzbekiston venchur kapital bozorini rivojlantirishi xabar qilingandi. Shuningdek, HamkorBank sanksiya ostida qolgan “Sberbank” orqali oʻtkazmalar qabul qilishni tiklagani haqida xabar berildi.
