Uzbekistan Airways Германияга бораётган йўловчиларни огоҳлантирди. Бу ҳақда авиакомпания матбуот хизмати хабар берди.
Маълум қилинишича, республикада COVID-19 вируси билан касалланиш даражаси юқори бўлгани сабабли, 2022 йил 22 январдан Ўзбекистон қайта Hochrisikogebiet — вирусни юқтириш хавфи юқори бўлган ҳудуд» мамлакатлар рўйхатига киритилган.
Шу муносабат билан, Германияга боришни режалаштираётган йўловчилар Тошкент–Франкфурт йўналиши бўйича парвозга рўйхатдан ўтишдан олдин онлайн шаклни тўлдириши керак. Акс ҳолда, йўловчилар парвозга қабул қилинмайди.
Аввалроқ Uzbekistan Airways Жанубий Кореяга бораётган йўловчиларни огоҳлантиргани хабар қилинганди.
