Ўзбекистонда цемент нархи 2021 йил давомида 6,4 фоизга арзонлашди, деб ёзади Давлат статистика қўмитаси матбуот хизмати.
Маълумотларга кўра, 2021 йилнинг декабрь ойида цемент нархи 2021 йилнинг ноябрь ойига нисбатан яъни бир ойда ўртача 0,7 фоизга арзонлашган.
Цемент нархлари 2021 йил давомида ўртача 6,4 фоизга арзонлашгани кузатилган.
Аввалроқ Ўзбекистондаги энг йирик цемент заводи — «Қизилқумцемент» корхонасининг устав капиталидаги 86,9 фоиз акциялар пакетини хусусийлаштиришга тайёрлаш жараёни бошланганди.
Маълумот учун, 2021 йилнинг январь-ноябрь ойларида хориждан Ўзбекистонга 121,4 миллион долларлик 2,5 миллион тонна цемент импорт қилинган. Бу кўрсаткич 2020 йилнинг мос даври билан солиштирилганда 286,4 минг тоннага кўп.
