Volkswagen автомобиль концерни ўзининг Microbus ёки Kombi деб номланган афсонавий микроавтобусининг узоқ кутилган замонавий версиясини намойиш этди. Бу ҳақда Reuters хабар берди.
1960-70-йиллардаги моделни айниқса Европа ва Америка ёшлари яхши кўрарди ва натижада у бутун давр тимсолига айланди.
Volkswagen ўзининг афсонавий микроавтобусининг электр реинкарнациясини жорий йилнинг март ойида расман премьера қилади. Сотувга эса 2023 йилга қадар чиқади.
Volkswagen электр моторли минивэн концепти ҳақида 2017 йилда Детройтда маълум қилганди. Ўшанда афсонавий микроавтобуснинг янги версияси ҳақидаги хабар шов-шувларга сабаб бўлганди.
Аввалроқ Range Rover йўлтанламасининг флагман версияси намойиш қилингани ҳақида хабар берилганди.
