Oʻzbekistonda noyabr oyida muammoli kreditlar miqdori 375 milliard soʻmga koʻpaydi. Bu haqda Bankers.uz yozmoqda.
Maʼlum qilinishicha, Markaziy bank tijorat banklarining muammoli kreditlari (NPL) toʻgʻrisida 2021 yil 1 dekabr holatiga statistik maʼlumotlarni taqdim etgan.
Qayd etilishicha, noyabr oyi davomida banklarning muammoli kreditlari 375,1 milliard soʻmga koʻpayib, ularning jami kredit qoldigʻi (kredit portfeli)dagi ulushi 5,73 foizni tashkil qilmoqda. Bank tizimi boʻyicha muammoli kreditlarning ulushi oktyabr oyiga (1 noyabr holatiga) nisbatan deyarli oʻzgarmagan.
Avvalroq Oʻzbekistonda yosh tadbirkorlarga 540 million soʻmgacha kreditlar ajratilishi haqida xabar berilgandi. Shuningdek, Oʻzbekistonda 100 million dollarlik qarz tomorqa egalariga kredit koʻrinishida berilishi xabar qilindi.
