Наманган халқаро аэропорти ўз тарихида илк бор 2 ноябрь куни Санкт-Петербургдан «Аэрофлот» авиакомпанияси самолётининг парвозини қабул қилди. Бу ҳақда Uzbekistan Airports матбуот хизмати хабар берди.
Маълум қилинишича, Санкт-Петербург–Наманган–Санкт-Петербург йўналиши бўйлаб парвоз ҳафтасига икки марта — сешанба ва жума кунлари чартер асосида амалга оширилади.
Шу йўсинда, мунтазам авиақатновлар йўлга қўйилади.
Аввалроқ Uzbekistan Airways Киевга қатновлар сонини ошириши ҳақида хабар берилганди. Ноябрь ойининг бошидан авиапарвозлар ҳафтасига икки маротаба — чоршанба ва якшанба кунлари амалга оширилади.
