Uzbekistan Airways 3 ноябрдан бошлаб ҳар чоршанба кунлари Украинанинг Киев шаҳрига авиақатновлар сонини оширади. Бу ҳақда компания матбуот хизмати хабар берди.
Қайд этилишича, ноябрь ойининг бошидан авиапарвозлар ҳафтасига икки маротаба — чоршанба ва якшанба кунлари амалга оширилади.
⠀
Мазкур йўналиш бўйича авиачипталар нархи бир томонга 1 миллион 659 563 сўмдан, шунингдек, бориш ва қайтиш бўйича авиачипталар 3 миллион 138 175 сўмдан бошланади.
Аввалроқ Uzbekistan Airways авиачипта бронлаш ва сотиш хизматларини вақтинча тўхтатиши маълум қилинганди.
