Ўзбекистонда ички авиақатновлар бўйича чипталар нархи қайта кўриб чиқилиб, 16 октябрдан бошлаб ўртача 20 фоизгача арзонлаштирилади, дея хабар бермоқда Рақобатни ривожлантириш ва истеъмолчилар ҳуқуқларини ҳимоя қилиш қўмитаси.
Таҳлиллар давомида қўмита томонидан авиақатновларни амалга ошириш билан боғлиқ ташиш харажатларини оптималлаштириш имкониятлари баҳоланган. Таклифлар юқори инстанциялар томонидан қўллаб-қувватлангач, Рақобат қўмитаси Uzbekistan Airways билан биргаликда амалдаги тарифларни қайта кўриб чиққан.
Янгиланган тарифларга кўра, Тошкентдан ҳудудларга бир томонлама авиачипталар нархи қуйидагича белгиланди:
- Тошкент — Андижон: 201 062 сўмдан;
- Тошкент — Наманган: 201 062 сўмдан;
- Тошкент — Фарғона: 201 062 сўмдан;
- Тошкент — Самарқанд: 201 062 сўмдан;
- Тошкент — Бухоро: 241 274 сўмдан;
- Тошкент — Термиз: 361 911 сўмдан;
- Тошкент — Урганч: 442 336 сўмдан;
- Тошкент — Нукус: 442 336 сўмдан.
