2026 йил январь—сентябрь ойларида жами 33 минг 755 та корхонага 16,2 трлн сўмдан ортиқ қўшилган қиймат солиғи (ҚҚС) қайтарилди. Бу ҳақда Солиқ қўмитаси хабар берди.
Энг кўп қайтарилган ҚҚС ишлаб чиқариш соҳасига тўғри келган — 11,2 трлн сўм. Кейинги ўринларда хизмат кўрсатиш (1,8 трлн сўм) ҳамда транспорт хизмати (924,5 млрд сўм) улуши нисбатан юқори бўлган.
Ўз навбатида давлат томонидан қишлоқ хўжалигига 810,9 млрд сўм, савдо йўналишига 679,6 млрд сўм, қурилишга 580,8 млрд сўм ҚҚС тўлаб берилган.
Таққослаш учун, 2025 йил январь—сентябрь ойларида солиқ тўловчиларга жами 13,5 трлн сўмга яқин ҚҚС қайтарилганди. Бу миқдор 4 минг 272 та корхона ва ташкилотларни қамраган.
Аввалроқ президент фармони билан кичик бизнес субектларига ҚҚС тўлашга ўтиш бўйича 1 миллиард сўмлик чегара 5 миллиард сўмгача оширилгани хабар қилинганди. Январда Ўзбекистонда қишлоқ хўжалиги маҳсулотлари учун ҚҚС “нол” ставкаси жорий этилган.
