Bugun, 11 dekabr kuni Markaziy bank boshqaruvining yigʻilishi boʻlib oʻtdi. Unda Markaziy bank asosiy stavkani 14 foiz darajasida oʻzgarishsiz qoldirish boʻyicha qaror qabul qilindi.
Qayd etilishicha, inflyatsiya pasayishda davom etmoqda: noyabrda umumiy inflyatsiya yillik — 7,5 foiz, bazaviy inflyatsiya — 6,3 foiz.
Shuningdek:
- 2025 yil yakuniga inflyatsiya prognozi 7,3 foizga pasaytirildi;
- 2026 yil inflyatsiya prognozi 6,5 foiz atrofida;
- Iqtisodiy oʻsish yuqori: yil yakuni boʻyicha 7–7,5 foiz kutilmoqda.
Taklif omillari boʻyicha xatarlar saqlanmoqda (oziq-ovqat taklifi, transport narxlari va tartibga solinadigan narxlar indeksatsiyasi).
Taʼkidlanishicha, inflyatsiya va inflyatsion kutilmalar pasayishi fonida real foiz stavkalari yuqori boʻlib, milliy valyutada jamgʻarmalar oʻsmoqda.
Moliyaviy inklyuzivlik oshishi sababli chakana kreditlash yuqori surʼatda davom etmoqda va bu kelgusida inflyatsion bosimni kuchaytirishi mumkin.
Pul-kredit sharoitlari inflyatsiyaning pasayish trayektoriyasiga erishish maqsadida qatʼiy darajada saqlanadi; zaruratga qarab qayta koʻrib chiqilishi mumkin.
Asosiy stavkani navbatdagi koʻrib chiqish 2026 yil 28 yanvar kuniga belgilangan.