Hukumatning 24 fevral kuni qabul qilingan qarori bilan kichik biznesga koʻmaklashish markazlari yordamida ishlab chiqilgan loyihalar boʻyicha xarajatlarni qoplash toʻgʻrisidagi vaqtinchalik nizom tasdiqlandi.
Unga koʻra, import qilinadigan asbob-uskunalarni sugʻurtalash hamda xomashyo va materiallarni sertifikatlash xarajatlarining 50% gacha qismi, biroq BHMning 30 baravari (11,25 mln soʻm) dan oshmagan miqdori qoplab beriladi.
Buning uchun arizalar Biznes portal orqali elektron tarzda qabul qilinadi Unda ariza va buyurtmanoma toʻldirish hamda belgilangan hujjatlarni ilova qil qilish kerak.
Arizalarni Kichik biznesga koʻmaklashish markazi 5 ish kuni ichida koʻrib chiqadi. Undan keyin xarajatlarning bir qismini qoplash yoki qoplab berishni rad etish toʻgʻrisida xulosa chiqariladi hamda talabgor xabardor qilinadi. Xulosani portal orqali elektron taqdim etiladi.
Qabul qilinigan arizalar yuzasidan markaz xulosalarni ilova qilgan holda, hafta yakuni boʻyicha keyingi haftaning birinchi ish kunida Kambagʻallikni qisqartirish davlat maqsadli jamgʻarmasiga buyurtmanoma yuboradi.
Jamgʻarma taqdim etilgan buyurtmanoma asosida 3 ish kuni davomida xulosada koʻrsatilgan talabgorning bank hisobvaragʻiga tegishli mablagʻlarni oʻtkazib beradi. Mazkur tartib joriy yil yakunigacha amal qiladi.
