Tax Free tizimi xorijiy fuqarolarga Oʻzbekistondagi chakana savdo doʻkonlarida ayrim tovarlarni xarid qilishda toʻlangan QQSning bir qismini qaytarish imkonini beradi. Keshbek qaytarilishi lozim boʻlgan mahsulotlar roʻyxati Vazirlar Mahkamasining 2022 yil 8 noyabrdagi qarori bilan tasdiqlangan. Unga suvenirlar, yongʻoqlar, meva va quritilgan mevalar, charm va moʻynali mahsulotlar, gilamlar, toʻqimachilik va boshqa tovarlar kiradi.
QQSni qaytarish uchun nima qilish kerak?
1. Soliq mobil ilovasida roʻyxatdan oʻting va xariddan soʻng cheklaringizni skanerlang.
2. Joʻnab ketish kunida parvozga roʻyxatdan oʻting, soʻng aeroportdagi Tax Free shoxobchasiga boring.
3. Taqdim etiladigan hujjatlar va tovarlar:
- bortga chiqish taloni;
- cheklar;
- sotib olingan tovarlar (ular foydalanilmagan boʻlishi kerak);
- sotib olingan mahsulotni qoʻl yukida yoki roʻyxatga olinadigan bagajda tashishni oldindan hal qiling.
Keshbek miqdori va uni qaytarish shartlari:
- Minimal xarid summasi 1 million soʻm;
- Qaytarilish summasi – QQS summasining 90 foizgacha (mahsulot toifasiga qarab);
- Toʻlov bank kartasiga (Visa va Mastercard) keshbek rasmiylashtirilgandan keyingi oyning 25-kunidan keyin amalga oshiriladi.
