Туркманистон Ўзбекистонга суюлтирилган газни ёрдам сифатида бепул беради. Бу бўйича президент Сердар Бердимуҳамедов тегишли фармонни имзолади.
«Türkmengaz давлат концернига дўстона ва биродарлик ёрдами сифатида суюлтирилган газнинг тегишли ҳажмини Ўзбекистон Республикасига бепул ўтказиш топширилди», дейилади фармонда.
Шунингдек, суюлтирилган газ ҳажмига аниқлик киритилмаган.
Эслатиб ўтамиз, Ўзбекистонда декабрь-январь ойларида юзага келган ғайритабиий совуқ туфайли газ ва электр энергияси истеъмоли кескин ошиши фонида энергетика билан боғлиқ муаммолар юз берди. Аҳолини газ билан таъминлаш мақсадида мамлакатдаги газ «заправка»лар фаолияти вақтинча тўҳтатилди.
