“Turistik xizmatlarni sertifikatlashtirish markazi” davlat unitar korxonasi oʻzining rasmiy veb-saytida turistlarning joylashtirish vositalaridan qoniqish darajasini aniqlash uchun soʻrovnoma joriy qilgan.
Soʻrovnomada turistlar umumiy ovqatlanish obyektlari, ziyorat obyektlari, maʼlumot beruvchi obyektlar, koʻngilochar obyektlar, yashash joyida xizmat sifatini baholash soʻrovnomasi, transport, davolash-sogʻlomlashtirish obyektlari boʻyicha oʻz fikrlarini bildirish imkoniga egalar.
Taʼkidlash joizki, mehmonxona va boshqa joylashtirish vositalaridagi xizmat koʻrsatish sifatidan norozi boʻlgan mehmonlar https://tourquality.uz/poll/ havolasi orqali oʻz taklif va eʼtirozlarini bildirishlari mumkin.
Shuningdek, sayyohlar oʻz taklif va eʼtirozlarini tizimga yuklangan foto yoki videofayllar koʻrinishida qoldirish imkoniyatiga ega.
