27 dekabr kuni Oʻzbekiston va Afgʻoniston chegarasida joylashgan Termiz shahrida Xalqaro savdo markazi ochildi.
Maʼlum qilinishicha, markazning 4000 doʻkonga moʻljallangan savdo maydonida tadbirkorlar uchun bloklar mavjud boʻldi.
Bundan tashqari, majmuada ishlab chiqarish-logistika zonasi, tibbiyot punkti va restoran mavjud. Loyihaga kiritilgan sarmoyalar 75 million dollardan ziyodni tashkil etdi.
Hozircha binoda faqat birinchi bosqich ochilgan, loyihani toʻliq ishga tushirish 2023 yilning dastlabki choragida rejalashtirilgan.
Majmuaning yillik aylanmasi 500 million dollarni, undagi xizmatlar hajmi esa 10 million dollarni tashkil etishi kutilmoqda. Unda jami 1800 ta savdo nuqtalari, shuningdek, 300 oʻrinli mehmonxona mavjud boʻladi.
Xorijiy fuqarolar va yuridik shaxslar majmua hududidagi savdo maydonchalarini sotib olishlari yoki ularni ijaraga olishlari, shu jumladan tekinga ham olishlari mumkin boʻladi. Afgʻoniston fuqarolari mazkur majmuada biznes maqsadlarida 10 kungacha vizasiz qolishlari mumkin boʻladi.
Markazning ishga tushirilishi Afgʻoniston bilan savdo aylanmasini 1,2 milliard dollarga yetkazadi.
