Декабрь ойида Россия нефтининг денгиз орқали экспорти 11 ойлик ўртача кўрсаткичга нисбатан 22 фоизга камайди. Бу ҳақда The Wall Street Journal хабар берди.
Kpler таҳлилчиси Мэтт Смит айтишича, Россия нефтчининг экспорти кунига 2,5 миллион баррелгача тушди. Бунга эса санкциялар чекловлари, Хитойдаги талабнинг сустлиги ва қишки об-ҳавони сабаб қилиб кўрсатилган.
Декабрь ойи бошида Россиядан нефть нархининг баррелига 60 долларлик чеклови кучга кирди ва Европа Иттифоқи кўпчилик нефть импортини тақиқлади. Россия нефтини харидорларнинг кичик гуруҳи Ҳиндистон, Хитой, Туркия ва Болгарияни ўз ичига олган санкциялар чекловларидан ташқарида қолмоқда. Хитойдаги ноқулай об-ҳаво шароити ва заиф талаб декабрь ойида Россия нефтини ташишга ҳам таъсир қилган.
5 декабрь куни Россиянинг Европа Иттифоқига нефть етказиб беришга эмбаргоси кучга кирди. Шунингдек, у Россия нефтини денгиз орқали учинчи мамлакатларга ташиш ва ушбу кемалар ва юкларни суғурталаш каби тегишли хизматларни кўрсатишни тақиқлади.
Узоқ давом этган музокаралардан сўнг Россиядан нефть нархининг юқори чегараси бир баррель учун 60 доллар қилиб белгиланди. «Катта еттилик» давлатлари (АҚШ, Германия, Япония, Буюк Британия, Франция, Италия ва Канада), Европа Иттифоқи, Австралия, Норвегия ва Швейцария денгиз орқали ташиладиган Россия нефти нархига қўйилган чекловларга қўшилди.
