Хоразм ҳудудий электр тармоқлари корхонаси биносида 30 кВт қувватли қуёш электр станцияси ишга туширилди. Бу ҳақда Энергетика вазирлиги хабар берди.
Қайд этилишича, ушбу қуёш электр станцияси йилига 54 минг кВт-соат электр энергияси ишлаб чиқаради. Бунинг натижасида, 18 минг куб метр табиий газ тежалишига эришилади.
Ушбу станция ўрнатилиши ҳисобига корхонанинг электр энергиясига бўлган йиллик харажатини 24 млн сўмга камайтиришга хизмат қилади.
