Toshkentda jamoat transportidan foydalanish darajasini oshirish maqsadida 23 noyabrdan yangi avtobus yoʻnalishi tashkil etildi. Bu haqda poytaxt Transport bosh boshqarmasi matbuot xizmati xabar berdi.
Qayd etilishicha, yangi ekspress avtobus yoʻnalishi Ye-1-sonli hisoblanib, u TTZ—“Mashinasozlar” metro bekati yoʻnalishi boʻyicha qatnovlarni amalga oshiradi.
Avtobus yoʻnalishi TTZdan Yuzrabot, Gulsanam, Buyuk Ipak Yoʻli, Mirzo Ulugʻbek, Taraqqiyot 2-tor koʻchalari orqali Mashinasozlar metrosiga qadar harakatlanadi.
Toʻxtash bekatlari — TTZ bozori, Buyuk Ipak yoʻli metrosi, Shifokorlar malakasini oshirish instituti, Ashxobod bogʻi.
