Kriptovalyuta almashinuvi Genesis FTXʻdan keyin bankrot boʻlishi mumkin. Bu haqda Bloomberg xabar berdi.
Qayd etilishicha, Genesisʻdagi likvidlik muammolari FTX qulaganidan keyin boshlandi. Kompaniya FTX bilan ishlaydi va kreditlar beradi.
Hozir kompaniya uni taxminan 1 milliard dollar miqdorida mablagʻ bilan taʼminlaydigan investorlarni jalb qilishga faol harakat qilmoqda. Ammo Genesis bu maʼlumotni rasman tasdiqlamadi. Kompaniya vaziyatdan chiqib ketish yoʻllarini izlamoqda.
Potensial investorlar topilmasa, kompaniya bankrotga uchraganini eʼlon qilishi mumkin.
Maʼlumot uchun, FTX 4 noyabr kuni Twitter orqali bankrotlik toʻgʻrisida ariza berganini maʼlum qildi. Shuningdek, kriptobirjaning bosh direktori Sem Benkmen-Frid isteʼfoga chiqqandi.
